Մեր Վարպետաց դասերը
Թելիկը տավուշյան արհեստագործական ավանդույթների վերականգնման, պահպանման ու տարածման նպատակ ունեցող կենտրոն է։
Տևողությունը
1.5 - 2 ժամ
Հյուրասիրություն
անվճար թեյ և սուրճ՝ քաղցրավենիքներով
Մասնակցություն
մինչև 20 այցելու միաժամանակ
Մեր առաքելությունը
Այստեղ կազմակերպվող փորձառությունների նպատակը զբոսաշրջային խմբերի և անհատների համար տավուշյան արհեստագործական միջավայրը ներկայացնելն է, 1,5-2 ժամ տևողությամբ վարպետաց դասեր անցկացնելը, որոնց ընթացքում այցելուները մասնակցելով՝ ստեղծում են հայկական զարդանախշեր։
Բացի բուն աշխատանքից, ժամանակ է հատկացվում պատմությանը՝ արհեստագործությունը Տավուշում, հատկապես կանանց արհեստների տեսակներին, տեղական առանձնահատկություններին։
Առաջարկը բազմազան է և միաժամանակ կարող է ապահովել շուրջ քսան այցելուի մասնակցություն։ Գորգագործություն ու կարպետագործություն այցելուն սովորում է փոքր դազգահների վրա, վարպետի հսկողությամբ։ Աշխատանքն ավարտելուց հետո այցելուն կարող է որպես հուշանվեր վերցնել ինքնուրույն պատրաստածը՝ գորգը, կարպետը, ասեղնագործ կտորը։ Զբոսաշրջիկը/զբոսաշրջային խումբը զբաղմունքն ընտրում է սեփական նախաձեռնությամբ՝ գորգագործություն, կարպետագործություն, ասեղնագործություն, շապիկի վրա նկարչություն։
Զբոսաշրջիկը/զբոսաշրջային խումբը զբաղմունքն ընտրում է սեփական նախաձեռնությամբ՝ գորգագործություն, կարպետագործություն, ասեղնագործություն, շապիկի վրա նկարչություն։
Վարպետաց դասին զուգահեռ այցելուներին կառաջարկվի թեյ և սուրճ՝ տեղական քաղցրավենիքով։ Հյուրերը կարող են ուսումնասիրել կենտրոնի վաճառքի ենթակա արհեստագործական իրերը։ Թելիկը նաև առաջարկում է շրջայց կենտրոնում, որտեղ հյուրերը կարող են տեսնել, թե ինչպես են արհեստագործները պատրաստում մի շարք ձեռագործ իրեր։
Հարմար է ընտանիքներով այցելությունների համար: Ծառայությունը մատուցվում է հայերեն, ռուսերեն, իսկ անգլերենի համար ունենք թարգմանիչ:
Հայկական թռչնատառերով նկարազարդում
Հայկական գրավոր հարուստ մշակույթն ու զարդարվեստի բարձր մակարդակը հանգեցրել են այն բանին, որ տառին հաղորդվել է գեղագիտական իմաստ:
Մեծ վարպետությամբ էին արվում հատկապես գլխագրերը (մեծատառերը):Կիրառվող տեխնիկաները տարբեր էին ՝ ծաղկագիր, թռչնագիր: Թռչունների պատկերներով գլխագրեր պահպանվել են հարյութավոր ձեռագիր մատյաններում, եկեղեցուն առնչվող պաշտամունքային իրերի ու առարկաների վրա:
Մեր վարպետը կսովորեցնի հայկական թռչնագրերի արվեստն ու կպատմի , թե ինչպես են դարեր շարունակ դրանք զարդարել հայկական ձեռագրերը, իսկ դուք հնարավորություն կունենաք նկարել թռչնատառ կամ այլ զարդանախշ:
Վարպետաց դասի ամրագրում